Kalaaliuguit Danmarkimilu najugaqaqarlutit pisariaqartikkukku oqalutseqarsinnaatitaavutit
Pisortanut, nakorsamut eqqartuussiveqarfimmulluunniit ornigutissaguit oqalutsimik qinusinnaavutit. Iluamik oqaaseqarusukkuit, tusaaneqarusukkuit eqqartorneqartullu iluamillu paasisinnaarusukkukkit pisinnaatitaaffigivat oqalutsimik qinunissat.
Kalaallit naalagaaffeqatigiiffiup ataaniikkamik killeqanngitsumik akeqanngitsumillu oqalutseqarsinnaatitaapput. Pisortaqarfiit ilaasa ajoraluartumik ilisimasaqarfigineq ajorpaat tamanna. Inuiaqatigiit Danmarkip iluaniittut danskisut oqaaseqanngitsut ilaat taamaallat ukiut pingasut iluani tikinnerminngaanniit oqalusteqarsinnaatitaapput ilaalu aamma akileqqaarlugu oqalutseqartinneqartarput. Tamanna kalaallinut savalimmiormiunullu atuutinngilaq.
Pisinnaatitaaffik tamanna inatsisinikmakkunannga tunngaveqarpoq:
- Pisortaqarfinni/kommunini assigisaannilu: Vejledningspligten §7 aamma ILO-konventionen nr. 169 af 28. juni 1989 ved. oprindelige folk og stammefolk i selvstændige stater.
- Nakorsaqarfiup iluani: Sundhedsloven §50 malillugu nakorsartittut pisariaqartikkunikku oqalutseqarsinnaatitaapput, aamma §2 imm. 4 malillugu Kalaallisut oqaasillit akiliitinneqassanngillat
- Eqqartuussiveqarfimmi: Inuit pisinnaatitaaffiini (ERMK) immikkoortoq 6-imi allaqqavoq inatsisinik unioqqutitsisimasoq kinaluunniit akeqanngitsumik oqalutseqarsinnaatitaavoq oqaatsit eqqartuussiveqarfimmi atorneqartut nammineq atugarinngikkunigit
Misissuineq una inatsisilerituut Stenbroens Jurister suleqatigalugit allaaseraarput.